اسلام آباد۔ 02نومبر (اے پی پی) پاکستان پیپلزپارٹی نا سینئر راہشون قمر زمان کائرہ پارینے کہ تحریک انصاف نا چیئرمین عمران خان اسلام آباد لاک ڈاﺅن نا پڑو ئِ کرسا غلطی اس کرے و دا لوز اوڑا تینٹ کبین تما۔ اسہ انٹرویو اسے ٹی اوپارے کہ پیپلزپارٹی تو اولیکو دے آن ہندا ہیت ئِ کریکہ کہ جلسہ جلوس ضرور کیر ولے اسلام آباد ئِ بند کننگ نامناسب وڑوڈول اسے۔ اوپارے کہ اگہ عدالت نیام تمیتوکہ تو تحریک انصاف بھاز بھلو ٹکراﺅ اسے ٹی اوار مننگ والا ئس و اگہ لاک ڈاﺅن نا پڑوئِ کننگ توکہ تو ملک انا داحالیت متوکہ ہرا تدوک آدے تیٹی خننگ انگ اٹی بسکہ۔ اوپارے کہ عمران خان غٹ اپوزیشن جماعت آتے ہلسا تنیا چلینگ انگ نا فیصلہ کرے ہرااونا ارٹ میکو بھلا غلطی اس ۔ قمر زمان کائرہ پارے کہ دا وار عمران خان ئِ اسہ پین موقع اس ملانے و اومیت کننگ کینہ کہ پین وخت اس دنو غلطی کپک۔
