اسلام آباد۔ 02نومبر (اے پی پی) وزارت ڈٹ بندی و شونداری اینخو مالی سال 2016-17ءنا سرکاری بشخ انا شونداری پروگرام تیٹی فنانس و کامرس ڈویژن نا شونداری ڈٹ آتے کن جمی وڑاٹ 57کروڑ 10لکھ روپئی آن زیات نا فنڈز جاری کرینے۔ حکومت اینخو مالی سال انا وخت دا ہڑتوم آ ڈویژن آتا شونداری کاریم تے کن 10ارب 5کروڑ 70لکھ روپئی آن زیات نا فنڈز جتاکرینے۔ پلاننگ کمیشن نا برجاءکروک حساب وکتاب نا رداٹ حکومت لاہور اٹی پاکستان فیشن ڈیزائن اسکول کن 39کروڑ، اسلام آباد اٹی سی ڈی این ایس پروجیکٹ کن 5کروڑ، فنانس ڈویژن اٹی ادارہ جاتی اصلاحات آتے کن اسہ کروڑ 84لکھ، مکران کوسٹل ہائی وے ۔ نیو انٹرنیشنل ایئر پورٹ گوادر کن 2کروڑ، گوادر اٹی ماہی گیر آتے کن 4کروڑ، کوئٹہ ٹی کولاپھاٹک آ فلائی اوور کن 16کروڑ، گوادر ڈویلپمنٹ اتھارٹی کن 20کروڑ روپئی تون اوار کیہی شونداری ڈٹ آتے کن فنڈز جاری کرینے۔
