اسلام آباد۔ 02نومبر (اے پی پی) پاکستان مسلم لیگ(ن) نا چیئرمین و سینیٹ اٹی قائد ایوان راجہ ظفرالحق پارینے کہ جمہوریت اٹی رہینگسا جمہوری طرز عمل ئِ تینا کروئی مرے، غٹ ویل آتے سیاسی تحمل و بردباری اتون ایسر کننگ نا گرج ئِ۔ غٹ ویل آتا ایسری نا پلیٹ فارم پارلیمنٹ ئِ۔ ریڈیو پاکستان تون ہیت وگپ کرسا اوپارے کہ ملک اٹی منہ توآن پاناما لیکس نا بابت بدمزگی تالان مسوسس ہرا وزیراعظم محمد نواز شریف نا فراخ دلی ، سیاسی تحمل و بردباری نا سوب تینا آئینی و پرامن ایسر نا کنڈآہِننگ نا بنائِ کرینے۔ اواومیت نا درشانی ئِ کرسا پارے کہ داسا داالجھن نا آئینی ، کانودی و جمہوری طرز عمل نا رداٹ ایسری پیش تمک ہراڑآن پاکستان اٹی امن قائم مریک و جہانی کہول آ ملکی شان و شرف اٹی ہم ودکی مریک۔ راجہ ظفرالحق پارے کہ ساڑی آ حالیت آتا سوب پاک چین اقتصادی راہداری آ ہم حرف بسکہ ولے سپریم کورٹ نا کنڈآن کمیشن نا اڈتننگ ناعندیہ آن گڈ حالیت آک گچین مسنو۔ اومستی پارے کہ غٹ سیاسی جماعت آتے سنجیدہ طرزعمل اس تینا کننگ نا گرج ئِ۔ ویل آتا ایسری برانز و دھرنہ غاتیٹی اف وپارلیمنٹ دا ویل آتاگچین ایسری نا گچین فورم ئِ۔
