کوئٹہ۔ 02نومبر (اے پی پی) ڈپٹی میئر کوئٹہ میٹرو پولیٹن کارپوریشن محمد یونس بلوچ پارینے کہ کوئٹہ شار ئِ صاف ستھرا و زیبا جوڑ کننگ نا چرجوئی ٹی نمان پیش رفت نظر بننگ ئِ۔ شار انا کیہی علاقہ غاتیٹی صفائی مہم جاری ئِ کوئٹہ شار انا الس ہراپت انا رداٹ اودے مینڈٹ تسنے اوڑآعمل مرسا کیک و الس نا گچین مروک نمائندہ گلی تا صفائی و لس بندغ ئِ مون تروک مشکلات آتاایسری کن موثر و فعال وڑوڈول اٹ خذمت انجام ترسا کیک ۔ داخیال آتا درشانی ئِ او صحافی تتون ہیت وگپ کرسا کرے۔ ڈپٹی میئر پارے کہ کارپوریشن نا عملہ گچین بلدیاتی نمائندہ غاتا چاروکی ٹی شار انا کیہی علاقہ غاتیٹی صفائی ستھرائی ئِ باوری جوڑ کننگ تجاوزات آتا چٹفنگ ٹریفک ویل آتے ایسر کننگ و شار ئِ زیبا جوڑ کننگ کن دے و نن کاریم کننگ ئِ۔ ڈپٹی میئر پارے کہ وزیراعلیٰ بلوچستان نواب ثناءاللہ خان زہری شار انا حالیت ئِ گچین جوڑ کننگ اٹی ہمیش کمک کرینے و اونا داجوزہ نا سوب کارپوریشن حکومت نا کنڈآن فراوان کردہ مالی رعایت نا نتیجہ ٹی تینا ڈٹ آتیا سرسہبی اٹ عملدرآمد کننگ ئِ۔
