امن و ایمنی و الس ناجان و مال انا رکھ صوبائی حکومت نا اولین اولیت آتیٹی اوارے، میر غلام دستگیر بادینی

کوئٹہ۔ 02نومبر (اے پی پی) باسک صوبائی اسمبلی میر غلام دستگیر بادینی پارینے کہ الس نا بے پرخ ویل آتا ایسر کننگ نا یخین تخنہ، اقتدار و کرسی اونا مزل اف بلکن علاقہ نا شون و السی مفادات آک زیات دوست ئُ۔ شونداری ڈٹ آتا پوروی آن الس ئِ فائدہ رسینگک۔ داخیال آتا درشانی ئِ او ڈل اتون ہیت وگپ کرسا کرے۔ اوپارے کہ وزیراعلیٰ بلوچستان نواب ثناءاللہ خان زہری نا دا وژن ئِ کہ الس نا غٹ بنداوی ویل آک ایسر مریر و اوفتا شرحالی کن دوئی وسیلہ غاتا تہٹی مرسا خصوصی گام گیج کننگے۔ اوپارے کہ الس نا زند انا معیار ئِ بڑز جوڑ کننگ کن آسراتی تا فراوانی ئِ ہردروشم اٹ ممکن جوڑ کینہ، نوشکی ئِ ماڈل سٹی اس جوڑ کننگ کن تغ ئِ پورو کننگک۔ الس اسکان بنداوی آسراتی تے سرکننگ ننا فرض اٹی اوارے۔ میر غلام دستگیر بادینی پارے کہ شونداری ڈٹ آتا پوروی آن الس ئِ فائدہ رسینگک علاقہ ٹی شون نا عمل جاری ئِ کیہی بشخ آتیٹی شونداری اسکیم تا جال اس شاغنگانے و دا چرجوئی ئِ بے پرخ جاری تخنہ۔ اوپارے کہ صوبہ ٹی امن و ایمنی و الس نا جان و مال انا رکھ صوبائی حکومت نا اولین اولیت آتیٹی اوارے۔