بنجائی کابینہ نا دیوان اٹی ریاست نا رکھ اکن تینا فرض ئِ جوان وڑاٹ انجام تننگ آ چوہدری نثارعلی خان نا ستا، گڈانی شپ یارڈ اٹی خاخر لگنگ نا واقعہ ٹی تپاخت کروک آ و پولیس ٹریننگ کالج کوئٹہ نا شہید آتے کن فاتحہ خوانی کننگا
اسلام آباد۔ 02نومبر (اے پی پی) وزیراعظم محمد نواز شریف نا سروکی ٹی بنجائی کابینہ ریاست ناعملداری ئِ اڈتننگ آ کانود نافذکروک آ ادارہ غاتاکڑد انا ستائِ کرسا ”اسلام آباد آ یلغار و اودے بند کننگ“ نا مون تروک حالیت آتون گچین وڑاٹ مون تننگ آ وزیرداخلہ چوہدری نثارعلی خان نا کوشست آتا ستائِ کرینو۔ وزیراعظم چارشنبے آ کابینہ دیوان نا کماشی ئِ کرسا ریاست نا رکھ اکن تینا فرض ئِ انجام تننگ آ وزیر داخلہ چوہدری نثارعلی خان نا ستائِ کرے۔ وزیراعظم پارے کہ ریاست نا عملداری ئِ اڈتننگ آ کانود نافذ کروک آ ادارہ غاتا کڑد ستاکڑزک۔ داوخت آ وزیر داخلہ پارے کہ او وزیراعظم محمد نوازشریف نا راہشونی و سروکی نا رداٹ تینا فرض ئِ انجام تس و اونا پت و مخ تفی آ منت واری نا درشانی ئِ کرے۔ اوپولیس و فرنٹیئر کور کانسٹیبلری ئِ خراج تحسین پیش کرسا پارے کہ او ریاست و کانود تون سلیسر۔ داکان مست کابینہ دیوان نا بناءآ قرآن پاک نا تلاوت آن مس۔ وزیر مملکت مذہبی امور پیر امین الحسنات تلاوت نا سعادت دوئی کرے۔ کابینہ گڈانی شپ یارڈ اٹی خاخر لگنگ نا واقعہ ٹی تپاخت کروک و پولیس ٹریننگ کالج کوئٹہ نا شہید آتے کن فاتحہ خوانی ہم کرے۔
