ٹھپی تے ہسپتال آ گدریفنگا ، وزیراعلیٰ بلوچستان نا واقعہ نا دمدستی رپورٹ طلب
لسبیلہ۔ 01نومبر (اے پی پی) گڈانی شپ بریکنگ یارڈ اٹی ناکارہ بحری جہاز انا تیل انا ٹینکی ٹی دھماکہ ، 7بندغ ہشنگسا تپاخت 40آن زیات شدید ٹھپی، ٹھپی تا حالیت نازرک پاننگ انگ ئِ ۔ سرجم احوال آتارداٹ سے شنبے نا دے بلوچستان نا ضلع لسبیلہ نا کرکی پٹی آ واقع تحصیل گڈانی نا شپ بریکنگ یارڈ پلاٹ نمبر 54اٹی ناکارہ بحری جہاز اٹی کاریم نا وخت آ اناگت دھماکہ مس ہرانا نتیجہ ٹی 7بندغ ہشنگسا تپاخت کریر و 40آن زیات بندغ شدید ٹھپی مسنو دھماکہ نا دمدستی گڈ جہاز اٹی خاخر لگا و خاخر نا زِراب آک کیہی کلو میٹر اسکان خننگارہ و گڈانی نا کرک آ مول انا جمر اس تالان مس واقعہ نا احوال ملنگ تون ہی مچ آ ضلع و کراچی آن ایدھی ایمبولینس آک واقعہ ناجاگہ غا رادہ کننگار ہراڑے لاش تے جام غلام قادر ہسپتال آ رادہ کننگا وخت اس کہ ٹھپی تے کراچی آ گدریفنگا دا بابت آن پاننگک کہ ناکارہ بحری جہاز اٹی بھلو کچ اسے ٹی تیل ئس و ٹینک اٹی گیس پُر مننگ آن اناگت دھماکہ مس واقعہ آ وزیراعلیٰ بلوچستان نواب ثناءاللہ خان زہری گڈانی شپ بریکنگ یارڈ واقعہ نا دمدستی رپورٹ ئِ طلب کرے و تعلقدار ضلعی انتظامیہ ئِ دمدستی امدادی سرجزآتا پارت کرے یات سلے کہ دنیا نا کیہی کرکی ملک آتا جہاز ہراتینا مدت ختم مننگ آن گڈ گڈانی شپ بریکنگ یارڈاٹی پرغنگ کن لنگر انداز کننگرہ۔
