اسلام آباد۔ 01نومبر (اے پی پی) اقوام متحدہ نا ادارہ پناہ گزین یو این ایچ سی آر تیرمہ ٹی اوغان مہاجر آتا وطن آ پدی ہِننگ نا چرجوئی ئِ 30نومبر آن 28فروری اسکان بند کننگ نا پڑو ئِ کرینے۔ یو این ایچ سی آر نا کمامدارآتارداٹ ہرااوغان مہاجر آتون پی او آر رجسٹریشن کارڈز ارے، او قابل قبول مریرہ۔ پی او آر کارڈ تخوک بندغ آتے پاکستان اٹی بطور مہاجر غٹ حق آک دوئی مریرہ۔ کمامدارآتارداٹ ہندن انگا رجسٹرڈ اوغان مہاجرین ہرافک تینا وطن آ پدی ہِننگ کن رجسٹریشن کرفیسر ، اوفتا پدی ہِننگ ناعمل 30نومبر اسکان برجاءسلک وخت اس کہ رضاکارانہ وطن آ پدی ہِننگ نا بنجاتے 7نومبر 2016ءآ بند کننگک۔ کمامدارآتارداٹ ہمورجسٹرڈ اوغان مہاجرآک ہرافتے تون پی او آر کارڈ ارے ، داوخت آ تینا وڑاٹ پدی اوغانستان آ کارہ ، اوفتے یو این ایچ سی آر نا کنڈآن مالی امداد تفننگک۔ کمامدارآتارداٹ یو این ایچ سی آر نا وطن آ پدی ہِننگ نا بنجاک یکم مارچ 2017ءآ دُوارہ ملنگرہ و رجسٹرڈ اوغان مہاجر آتا وطن آ پدی ہِننگ نا دُوارہ بناءمارچ 2017ءآن کننگک۔
