اسلام آباد۔ 01نومبر (اے پی پی) مچ آ ملک آن اوغان مہاجر آتا وطن آ پدی ہِننگ نا چرجوئی برجائِ و داوخت اسکان مسہ لکھ 33ہزار 816رجسٹرڈ مہاجر اوغانستان آ پدی ہنانو۔ پدی ہنوک آ بندغ آتے وطن آ پدی ہِننگ نا وخت آ 400 ڈالر تننگ انگ ئِ۔ یو این ایچ سی آر نا نمائندہ سے شنبے آ ”اے پی پی“ تون ہیت وگپ کرسا پارے کہ پاکستان اٹی رہینگوک اوغان مہاجر آتا وطن آ پدی ہِننگ نا چرجوئی برجائِ ۔ داوخت اسکان مسہ لکھ 33ہزار 816بندغ صوبہ کے پی کے، بلوچستان و پنجاب تون اوار مچ آ ملک آن وطن آ پدی ہنانو۔ کمامدارآتارداٹ وطن آ پدی ہنوک آ رجسٹرڈ اوغان مہاجر آتا زیات کچ اکتوبر نا تو اٹی اوغانستان آ پدی ہنانو۔ اوپارے کہ وطن آ پدی ہنوک آ رجسٹرڈ اوغان مہاجر آتے اوغانستان آسرمننگ آ چار سد ڈالر فی بندغ ئِ ادا کننگ انگ ئِ۔
