اسلام آباد۔ 01نومبر (اے پی پی) الیکشن کمیشن اٹی (اینو) چارشنبے آ تحریک انصاف نا سروک عمران خان و جہانگیر ترین نا نابودی تون اوار 12درخواست آتا سماعت اینومریک۔ چیف الیکشن کمشنر جسٹس (ر) سردار محمد رضا نا سروکی ٹی پنچ باسکی بینچ دا کیس آتا سماعت ئِ کیک۔ تحریک انصاف نا سروک عمران خان نا برخلاف مسلم لیگ (ن) نا باسک محمد طلال چوہدری تون اوار 7باسک آک آئین نا آرٹیکل 63نا رداٹ نابودی نا نوٹس ئِ اسپیکر ئِ گدریفیسر ہرادے مستی کارروائی کن اوفک الیکشن کمیشن ئِ گدریفیسس۔ الیکشن کمیشن عمران خا ن ئِ نوٹس جاری کرینے کہ او تینا ورندی ئِ داخل کے۔ پیش مفننگ نا دروشم اٹی درخواست نا سماعت ئِ کرسا یکطرفہ فیصلہ کننگک۔ ہنداوڑ جہانگیر ترین نا برخلاف محمد خان ڈاہا و 4پین باسک آتا کنڈآن ریفرنس نا سماعت ہم اینو مریک۔ اودے ہم تینٹ پیش مننگ کن نوٹس جاری کننگانے۔ بشریٰ گوہر نا سینیٹر لیاقت علی خان نا برخلاف درخواست نا سماعت مریک و اوڑا دلیل آتے خف توننگک۔ ملک خلیل احمد ناجہانگیر ترین نا برخلاف درخواست آ دلیل آتے خف توننگک۔ بلال مصطفی بھٹہ نا جہانگیر ترین نا برخلاف نابودی نا درخواست آ دلیل آتے ہم اینو تننگک۔ چوہدری شاہنواز نا عمران خان نا برخلاف نابودی نا درخواست نا سماعت اینو مریک و دلیل آتے خف توننگک۔

متعلقہ مضامینمصنف کی طرف سے مزید