اسلام آباد۔ 01نومبر (اے پی پی) خیر پوراٹی زڑدوئی آن اسہ ہفتہ اسے نا وخت آ 10بندغ تپاخت کرینو۔ نجی ٹی وی چینل نا رداٹ خیر پور نا کیہی خلق گوٹھ امین میتلو، گوٹھ کانہر، گوٹھ، کھوہ ولی محمد، گوٹھ قادن میتلو، گوٹھ بھلے ڈنو میتلو، گوٹھ وریومیتلو، گوٹھ منگنہار و ایلو تیٹی زڑدوئی بی انا خطرناک مرض ترندی اٹ تالان مننگ ئِ و اسہ ہفتہ اسے نا وخت آ 10بندغ زڑدوئی بی انا سوب دنیا ئِ الانو وخت اس کہ چندی بندغ آک لیپ اٹی تموک ئُ ۔ خطرناک وبائی ناجوڑی ٹی مبتلا تپاخت کروک آتیٹی فیض محمد میتلو، علی گوہر کانہر، شمن علی، ظہیر احمد، سکندرعلی منگنہار، رمضان میتلوو اِرا زالبول تون اوار ایلو بندغ آک اوارو۔ علاقہ رہینگوک آتا پاننگ ئِ کہ زڑدوئی بی آ کنٹرول کننگ کن ڈاکٹر آتا خصوصی ٹیمک ہڑدڑی بنداو تیا زہمی خلق آتیا گدریفنگے۔
