اسلام آباد۔ 01نومبر (اے پی پی) بنجائی وزیر پارلیمانی امور شیخ آفتاب احمد پارینے کہ پاکستان تحریک انصاف نا کارندہ غاتے محب وطن پاکستانی جوڑ مننگ نا گرج ئِ۔ احوالکارآتون ہیت وگپ کرسا اوپارے کہ پاکستان مسلم لیگ (ن) نا حکومت ملکی شون و شونہالی کن معاشی ڈٹ بندی کننگ ئِ ارٹ میکو کنڈعمران خان شون نا کسر اٹی اڑاند شاغنگ ئِ ۔ اوپارے کہ عمران خان ئِ سجفوئی مرے کہ ننے سیم تیا بھارتی بیدادی و تہہ نا کہول آ دہشت گردی نا مون تروکی ئِ و پاکستان نا فوج جوان مردی اتون ہڑتوم آتون مون تننگ ئِ و و داحالیت آتے ہراکنڈا دننگ ئِ۔ شیخ آفتاب احمد پارے کہ پی ٹی آئی نا کارندہ غاتے محب وطن پاکستانی جوڑ مننگ نا گرج ئِ۔ اوپارے کہ برانز نا سوب چناک اسکول آ ہِننگ افس ، ملازم آک دفتر آتیا رسینگ پننگ ئُ، مریض، مسافر و کاروباری شخصیت آک ہم مشکلات آتا گواچی ئُ۔ اوپارے کہ عمران خان نا سیاست ملک ئِ جوڑ جاڑ آخا بلکن بھس کاری نا کنڈا دننگ ئِ۔
