عمران خان نا برانز ملکی شون نا برخلاف ئِ، وزیراعظم جوڑ مننگ کن وونٹ آتا گرج مریک دھرنہ و برانز نا آخا، سینیٹر نجمہ حمید

اسلام آباد۔ 01نومبر (اے پی پی) پاکستان مسلم لیگ (ن) نا سینیٹر نجمہ حمید پارینے کہ عمران خان نا برانز ملکی شون نا برخلاف ئِ ۔ احوالکارآتون ہیت وگپ کرسا اوپارے کہ عمران خان بیدادی نا کسر ئِ ہلکونے و ملک انا حالیت آتے خراب کننگ نا کوشست کننگ ئِ۔ اوپارے کہ اونا دارویہ آن جہانی کہول آ غلط تاثر ہِننگ ئِ ۔ نجمہ حمید پارے کہ کل قوم کشمیر نا ویل ئِ ہلسا مون آ ہِننگ ئُ و عمران خان دھرنہ غاتا سیاست کرسا وزیراعظم جوڑ مننگ نا تغ ئِ خننگ ئِ۔ اوپارے کہ وزیراعظم جوڑ مننگ کن وونٹ آتا گرج مریک دھرنہ و برانز نا آخا۔ سینیٹر نجمہ حمید پارے کہ روڈ آتیا رہینگ انگ عمران خان نا نصیب ئِ ۔