اسلام آباد۔ 01نومبر (اے پی پی) وزیراعظم محمد نواز شریف گڈانی شپ بریکنگ یارڈ اٹی تیل انا ٹینکی اسے آ کاریم کننگ نا وخت آ دھماکہ غاتیان قیمتی جان تا زیان آ ڈکھ و غم نا درشانی ئِ کرینے۔ سے شنبے آ ایوان وزیراعظم نا کنڈآن جاری بیان نا رداٹ وزیراعظم تعلقدار کمامدارآتے امدادی سرجزآتے ترند کننگ و دھماکہ غاتا بناءآ پھسائنگوک آ بندغ آتا زند ئِ بچفنگ نا پارت کرے۔ اوپارے کہ بے کچ خیالداری نا درشانیئِ کرسا خاخر ئِ زوت آن زوت کسفنگ کن پبی کوشست آتے کاریم اٹ اتنگے۔ اواقعہ ٹی ٹھپی مروک آتے گچین طبی آسراتی تا فراوانی و تعلقدار کمامدارآتے دھماکہ غاتا انکوائری کننگ نا ہم پارت کرے۔ وزیراعظم دعا کرے کہ اللہ تعالیٰ ایماندار تے جنت الفردوس اٹی جاگہ ایتے و پدسلوک آکاہوت آتے داصدمہ ئِ برداشت کننگ نا حوصلہ عطاءفرمائفے۔
