اسلام آباد ۔ 31 اکتوبر (اے پی پی) یونیورسٹی آف سرگودا ئِ میاں اوستمانی شوبگ ئِ پیسریگیں چیئرمین رشید احمد خان ئَ گوشتگ کہ چائنہ پاکستان اکنامک کوریڈور ئِ تہ ئَ ایران ئِ بھر زوری دمگی روگ ئُُ آیگ ئِ تہ ئَ گیشی یے کاریت۔ وتی یک گلگدارے ئِ تہ ئَ آئی ئَ گوشت کہ چائنہ پاکستان اکنامک کوریڈور ئِ تہ ئَ ایران ئِ بھر زوری ئَ چہ سرجمیں پڑ ئَ سیاسی ئُُ اقتصادی وشھالی کئیت۔ آئی ئَ گوشت کہ چائنہ پاکستان اقتصادی کوریڈور ئَ ایران ئِ بھر زوری ئَ چہ پراجیکٹ ئِ تہ ئَ مزنیں دیمروئی اِت۔ آئی ئَ گوشت کہ ایران ئُُ خلیج ئُُ فارس ئَ گوں سرجمیں پڑ ئَ باز کوھنیں سد آنی سال ئِ کساس ئَ اے دمگ گڑھ بوتگ اَنت۔ کوھنیں ریشم ئِ دگ ایران ئُُ خلیج فارس ئَ چہ گوستگ ئُُ ایش پاکستان ئِ دمگ ئَ چہ گوستگ۔ آئی ئَ گوشت کہ ایران کوھنیں سوداگری ٹھکانہ آنی سر ئَ اِنت ئُُ چائنہ پاکستان اکنامک کوریڈور ئَ ایران ئِ بھر زوری ئَ کوھنیں سوداگری دگ آنی شرپ ایر بیت۔
