اسلام آباد۔ 31اکتوبر (اے پی پی) وزیراعظم نا خصوصی کمکار خارجہ امور طارق فاطمی پارینے کہ پاکستان ئِ یمن اٹی جاری خون خرابہ و سیکورٹی نا بگڑینگوک آ حالیت آتیا بھاز گڑتی ئِ انتئے کہ اسہ سوگو و پرامن یمن علاقائی و جہانی امن کن المی ئِ۔ اوداہیت ئِ پاکستان اٹی یمن نا پوسکن تعینات مروک آ سفیر محمد مطاہر علی شابی تون اوڑدہی نا وخت آ پارے۔ طارق فاطمی پارے کہ گرج داہیت انا ئِ کہ دہشت گرد رڑتے یمن ئِ پین نزور کننگ نا موکل تننگپ۔ پاکستان حوثی تا کنڈآن صدر ہادی نا سروکی ٹی یمن نا تسلیم شدہ حکومت نا برخلاف کاررروائی تا مذمت ئِ کیک۔ اوپارے کہ حوثی تے مذاکرات نا میز آ بروئی مرے و غٹ تنازعہ غاتا ایسری اس کشوئی مرے۔ اوپاکستان اٹی تعیناتی آ یمن نا پوسکنا سفیر نا خیرمقدم ئِ کرسا اومیت ظاہر کرے کہ اونا تعیناتی نا وخت پاکستان و یمن نا نیام اٹ تعلقداریک پین سوگو مریرہ۔ داوخت آ یمن نا سفیر مطاہریمن نا حکومت نا کنڈآن پاکستان نا کمک نا ستائِ کرے و اوڑکن نیک است خواہی نا درشانی ئِ کرے۔
