اسلام آباد۔ 31اکتوبر(اے پی پی) وزیر داخلہ پولیس کانسٹیبل ، ہیڈ کانسٹیبل و اے ایس آئی نا عہدہ غاتے اپ گریڈ کننگ نامنظوری ئِ تس۔ کانسٹیبل نا گریڈ 5آن ودفسا 7، ہیڈ کانسٹیبل 7آن 9وخت اس کہ اے ایس آئی نا گریڈ 9آن 11کننگ نا منظوری تننگا۔ وزیر داخلہ بروک آ یکونیم سال اٹی ایف سی کارندہ غاتا تنخواہ پولیس نا بریبر کننگ نا ہم منظوری تس۔ اولیکو مرحلہ ٹی ایف سی کارندہ غاتا تنخواہ ٹی 50درسد ودکی کننگک۔ تنخواہ تیٹی ودکی تون اوار اوار ایف سی کارندہ غاتے انٹرنل سیکورٹی ڈیوٹی الاﺅنس تننگ نا ہم منظوری تس۔ ایف سی کارندہ غاتا سروس نا معیاد 35سال آن ودفسا 45سال کننگ نا ہم منظوری ئِ تس۔ بروک آ منہ دے اٹی وزیراعظم نا گڈیکو منظوری آن پد باقاعدہ نوٹیفکیشن جاری کننگک۔
