اسلام آباد۔ 31اکتوبر (اے پی پی) تھر پارکر اٹی پین 7بندغ اٹی ڈینگی وائرس نا پک مننگ آن گڈ زہمی بندغ آتا جمی کچ 200 مسنے۔ نجی ٹی وی چینل نا رداٹ صوبہ سندھ انا کیہی علاقہ غاتیان مٹھی نا سول ہسپتال نا ایمر جنسی وارڈ اٹی اتوک آ مریض آتیان پین 7بندغ اٹی ڈینگی وائرس نا پک مننگ آن گڈ زہمی بندغ آتا جمی کچ 200مسنے۔ رپورٹ نا رداٹ سول ہسپتال اٹی ڈیوٹی کروک آ اِرا ڈاکٹر ہم ڈینگی ٹی مبتلا مسنو۔ یات سلے کہ صرف ہندا تو انا وخت 75بندغ اٹی ڈینگی پک مسنے۔
