اسلام آباد۔ 31اکتوبر (اے پی پی) کوئٹہ ٹی قیمتی خل تا نمائش انا بناءکننگانے۔ پی ٹی وی نا رداٹ کوئٹہ ٹی جیولر اینڈ جیمز ڈیویلپمنٹ کمپنی نا کنڈآن قیمتی خل تا نمائش نا بناءکننگا ہراٹی لاہور، کراچی، چاغی و خاران تون اوار مچ آ ملک آن 38پوریاگرآک اسٹال خلکر۔ نمائش اٹی ہیرہ و روبی تون اوار ایلوقیمتی خلق تیان جوڑ زیورات و ڈیکوریشن پیس تخنگا۔ مچ آ کوئٹہ آن خلقت آتا بھلو کچ اس نمائش ئِ ہُننگ کن بس۔ اوفتا پاننگ ئس کہ داڈول نا نمائش آتا بایدے بناکننگے داڑآن خلقت آتے تینا ملک اٹی مروک آ قیمتی خل تا بابت آگاہی دوئی مریک۔ جیولر اینڈ جیمز ڈیویلپمنٹ کمپنی نا منتظمین نا پاننگ ئس کہ نمائش نا مقصد جیمز اینڈ جیولری تون وابستہ بندغ آتے اسہ چھت اسے نا کیرغ سوگو پلیٹ فارم اس مہیا کروئی ئسک۔
