اسلام آباد۔ 31اکتوبر (اے پی پی) وزارت ڈٹ بندی و شونتری اینخو مالی سال 2016-17ءنا سرکاری بشخ انا شونداری پروگرام تیٹی نیشنل ہائی وے اتھارٹی نا شونداری ڈٹ آتے کن جمی وڑاٹ 19ارب 86لکھ روپئی آن زیات نا فنڈز جاری کرینے۔ حکومت اینخو مالی سال اٹی نیشنل ہائی وے اتھارٹی نا شونداری کاریم تے کن 1کھرب88ارب روپئی نا فنڈز جتا کرینے۔ پلاننگ کمیشن نا برجاءکروک حساب وکتاب نا رداٹ بسمیہ آن خضدار روڈ انا جوڑ جاڑ کن 26کروڑ، اسلام آباد پشاور موٹروے پروجیکٹ کن 5کروڑ، مانسہرہ آن ناران روڈ اکن 5کروڑ، یک مج آن خاران روڈ انا جوڑ جاڑ کن 16کروڑ، ملتان آن سکھر سیکشن نا جوڑ جاڑ کن 60کروڑ، سکھر بائی پاس کن 10کروڑ، نیواسلام آباد ایئر پورٹ لنک روڈ انا جوڑ جاڑ کن 60کروڑ، لنک روڈ اکن ڈغار نا ہلنگ کن 45کروڑ، تھاکوٹ آن حویلیاں کن 37کروڑ، برہان آن حویلیاں ایکسپریس وے کن 23کروڑ، برہان آن ہکلہ روڈ انا جوڑ جاڑ کن 4ارب 40کروڑ روپئی تون اوار کیہی شونداری ڈٹ آتے کن فنڈز جاری کرینے۔
