اسلام آباد۔ 31اکتوبر (اے پی پی) ایشیائی شونداری بینک پاکستان اٹی ونڈ فارم نا شون نا رداٹ ٹرائیکون بوسٹن کنسلٹنٹ کارپوریشن کن 75ملین ڈالر نا کڑزانا منظوری ئِ تس۔ دا ایشیائی شونداری بینک انا کنڈآن پاکستان اٹی ونڈ انرجی نا بشخ اٹی مسٹ می زرکاری ئِ۔ اے ڈی بی نا کنڈآن جاری کروک بیان نا رداٹ پروجیکٹ آن دوئی مروک آ توانائی 20سالہ انرجی آ چیزایگریمنٹ نا رداٹ بہاءکننگک۔ ایشیائی شونداری بینک انا پرائیویٹ سیکٹر آپریشن ڈیپارٹمنٹ نا چاہندار زرکار محمد اعظم ہاشمی پارے کہ دا ونڈ فارم پاکستان کن اسہ بھلو ڈٹ اسے ہراڑآن توانائی نا پیداوار اٹی پٹرولیم و کولاآ انحصار اٹی کمتی مریک۔ 50میگاواٹ نا مسہ ونڈ فارمز کراچی نا قطب دے ٹکی ٹی 100 کلو میٹر مر جھم پیر انا ہند آ واقع ئِ، ہراڑآن 520گیگاواٹ سالانہ بجلی نا پیداوار مریک و داڈٹ مارچ 2018ءٹی پورو مریک۔
