پاک بالی اُرد ئِ مستر سہیل امان ئَ اٹلی ئِ چیف آف ڈیفنس جنرل کلاڈیﺅ گرازیانو ئَ گوں گند ئُُ نند کتگ

روم ۔ 29 اکتوبر (اے پی پی)پاک بالی اُرد ئِ مستر ائر چیف مارشل سہیل امان ئَ یک شمبے ئِ روچ ئَ روم ئَ اٹلی ئِ چیف آف ڈیفننس جنرل کلاڈیﺅ گرازیانو ئَ گوں گند ئُُ نند کتگ ۔ گپ ئُُ تران ئِ ساھت ئَ وت مہ وتی کار ئِ بابت ئَ ھیال ریچی ھم کنگ بوت۔ پاک بالی اُرد ئِ نیمگ ئَ چہ جاڑی بوتگیں ھال آنی رد ئَ پاک بالی اُرد ئِ مستر اطالوی بالی اُرد ئِ دعوت ئِ سر ئَ اٹلی ئِ سرکاری تر ئُُ تاب ئَ اِنت۔ پاک بالی اُرد ئِ مستر دوئیں ملک آنی وت مہ وتی ئَ را گیش مھکم کنگ ئَ پہ ھُدوک اِنت آھودے اُرد ئِ مستر ئَ پاکستانی بالی اُرد ئِ توسپ ھم کُت۔ آپریشن ضرب ئِ عضب ئِ تہ ئَ داتگیں اُردی قربانی آنا ھم آئی ئَ ساڑات۔ آئی ئَ گوشت کہ نہ گیگیں موسم ئُُ کوھ ئُُ جُر ئَ ابید بالی اُرد ئَ جوانی ئَ دُژمن ئَ را چُک چین کُتگ۔ آئی ئَ گوشت کہ ناشرکاری ئِ ھلاپ ئَ آپریشن آنی تہ ئَ پاکستانی آرمی ئَ کموک وھد ئُُ زمان ئِ تہ ئِ سر ڈگاری جاور آناں ساکم ئُُ جوان کتگ۔