اسلام آباد ۔ 29 اکتوبر (اے پی پی) چیئر مین سینیٹ رضا ربانی ئَ یک شمبے ئِ روچ ئَ کیوبا ئِ تر ئُُ تاب مھتل داشتگ ئُُ 4نومبر ئَ سینٹ ئِ دیوان گوانک جتگ۔ چیئرمین سینٹ کیوبا ئَ قومی اسمبلی ئِ صدرایشیبان لازو ئِ دعوت ئِ پد ئَ 29اکتوبر ئَ ٹولی ئِ گوما روادگ بوھگی بوتگ۔ ٹولی ئِ تہ ئَ سینیٹرز مشاہد حسین،نسرین جلیل،نثار محمد خان،شاہی سید،گیا چند اور سیکرٹری سینیٹ امجد پرویز ھوار بوتگ اَنت۔ کانود ئِ آرٹیکل (3) 54ئِ رد ئَ آدینگ ئِ شپ ئَ سینٹ سیکرٹریٹ ئَ یک ریکوزیشن ئِ جم کنگ بوتگ ایشی ئِ تہ ئَ تاج حیدر ئَ ھور 27سینیٹرز آنی دست چنگل پر بوتگ اَنت۔ ایشی ئِ رد ئَ چیئرمین سینٹ رضا ربانی ئَ وتی کانود زمہ واری آنی پیلو کنگ ئِ رد ئَ کیوبا ئِ تر ئُُ تاب مھتل داشتگ۔ چیئرمین سینٹ ئَ ریکوزیشن ئِ چار ئُُ تپاس کتگ ئُُ وتی کانودی زور ئَ را کارمرد کنان ئَ چیئرمین سینٹ ئَ 4نومبر آدینگ ئِ روچ ئَ پارلیمنٹ گس ئَ سینٹ ئِ دیوان گوانک جتگ۔
