بھارت نا غٹ چالک کشمیر نا ویل آن دنیا نا توجوہ ئِ اسہ پلو کننگ کن ئُ ، مسکوہی سفیر ظفر ہلالی

اسلام آباد۔ 28اکتوبر (اے پی پی) مسکوہی سفیر ظفر ہلالی پارینے کہ مودی ہراوخت اسکان اقتدار اٹی ئِ ننے تیار سلوئی مرے جنگ وخت انا وخت اس کاٹم ہرفنگ کیک ۔ احوالکار آتون ہیت وگپ کرسا اوپارے کہ وزیراعظم محمد نواز شریف کنٹرول لین آ بھارتی بیدادی نا ترندی اٹ مذمت ئِ کرسا پارے کہ بھارت ئِ بین الاقوامی کانود نا خلاف ورزی نا پبی ورندی تننگک۔ اوپارے کہ مودی پاکستان ئِ نزور کننگ ناپالیسی آ عمل کننگ اٹی ئِ تدوک آ دے ہم پاکستانی سفارتکار ئِ مسہ گھنٹہ اسکان حراست اٹی ہلسا اوڑآ بیدادی کریر و 36گھنٹہ نا نوٹس آ ملک ئِ ہلنگ نا حکم تسنے۔ اوپارے کہ بھارت نا غٹ چالک کشمیر نا ویل آن دنیا نا توجوہ ئِ اسہ پلو کننگ و دا ویل آ جہانی برادری نا مخ تفی دوئی کننگ کن ئُ۔ اوپارے کہ جہانی لیڈرشپ مودی ئِ چارہ ، اوفک ہم مودی ئِ خاموش مننگ نا پارت کرینو ہرا مخ تفی ئِ مودی خواہسکہ او اودے ملیتوو اوڑآ روس ، چین ، میانمر و ایران کون آ ملک آک تینا صفا بیان آتیٹی پارینو کہ او پاکستان تون تفوک ئُ ہراڑآ بھارت ئِ بوز اٹ کنوئی تمانے۔