اسلام آباد۔ 28اکتوبر (اے پی پی) پبلک اکاﺅنٹس کمیٹی نا ذیلی کمیٹی آڈیٹر جنرل ئِ پارت کرینے کہ او جی ڈی سی ایل نا ملازم آتا فہرست آتا جانچ پڑتال و پک کرسا 15دے اٹی رپورٹ ئِ پیش کننگے۔ دیوان جمعہ آ پارلیمنٹ ہاﺅس اٹی کمیٹی نا کنوینر میاں عبدالمنان نا کماشی ٹی مس ہراٹی تعلقدار ادارہ غاتا سرکاری افسر آک شرکت کریر۔ دیوان اٹی وزارت پٹرولیم و قدرتی وسیلہ نا پدسلوک آڈٹ اعتراض آتا بابت او جی ڈی سی ایل نا کنڈآن بریفنگ تننگا۔ ذیلی کمیٹی ئِ پاننگاکہ ادارہ ٹی ہچ ئُ گھوسٹ ملازم اس اف، بلوچستان اٹی دوشنبے آ 10لوٹی گیس فیلڈ ز چلینگ انگ ئُ ہرافتے آن مست 120آن 150ملین مکعب فٹ گیس دوئی مسکہ ولے داسہ دا 15آن 20ملین مکعب فٹ ئِ، ہموڑے کاریم کم مننگ نا سوب ملازم آتا کچ مست انا مقابلہ ٹی داسہ ہم زیات ئِ، ریٹائرمنٹ نا سوب آن ملازم آک کم مسر ولے ہچ ئُ پوسکنو بھرتی اس کننگ تو، دا فیلڈز آ بدستور ملازم آک کاریم کننگ ئُ۔ پی اے سی آڈٹ کمامدار آتے پارت کرے کہ او جی ڈی سی ایل نا ملازم آتا فہرست نا جانچ پڑتال و پک کرسا رپورٹ ئِ 15دے اٹی پی اے سی ئِ پیش کننگے۔
