اسلام آباد۔ 28اکتوبر (اے پی پی) پاک فضائیہ نا سروک ایئر چیف مارشل سہیل امان اطالوی فضائیہ نا ہیڈکوارٹرز نا دورہ ئِ کرے۔ ایئر چیف نا بننگ آ اطالوی ایئر فورس نا سروک لیفٹیننٹ جنرل انزوویسرلی اودے بخیر کرے۔ اطالوی فضائیہ نا چاق و چوبند دستہ اودے گارڈ آف آنر پیش کرے۔ ودے اطالوی فضائیہ نا بارواٹی اسہ تفصیلی ئُ بریفنگ اس تننگا۔ اوکان گڈ فضائیہ نا سروک اطالوی ایئر فورس نا سروک تون اوڑدہی کرے۔ ہڑتوم آ شرفمند آ شخصیت آک تین پہ تینی است خواہی نا معاملہ غاتیا درشانِ خیال کریر۔ پاک فضائیہ نا سروک ہڑتوم آ ملک آتا فضائی فوج انا نیام اٹ ٹریننگ و فضائی مشق آتا اہمیت آ زورشاغار کہ ہڑتوم آ ملک آتا فضائی فوج اسہ ایلونا آزموندہ غاتیان فائدہ ہرفنگ کیر۔ اونا اطالوی ہم منصب ہم داہیت آ اتفاق کرے کہ ہڑتوم آ ملک آتا فضائی فوج انا نیام اٹ کسبی تربیت و تین پہ تینی کمکاری ئِ پین ودفنگے و مشترکہ فضائی مشق آتا بنائِ کننگے۔ پاک فضائیہ نا سروک ایئر چیف مارشل سہیل امان اطالوی فضائیہ نا خصوصی سلہ غا اٹلی نا سرکاری دورہ غاٹی ئِ۔
