پشاور۔ 28اکتوبر (اے پی پی) وزیراعظم محمد نواز شریف جمعہ نا دے کوہاٹ آ سرمس، گورنر خیبرپختونخوا اقبال ظفر جھگڑا وزیراعظم ئِ بخیر کرے۔ داوخت آ بنجائی وزیر شاہد خاقان عباسی ، مسلم لیگ (ن) نا راہشون سردار مہتاب احمد خان ہم وزیراعظم تون اوار ئسر۔ مسلم لیگ (ن) نا صوبائی صدر صابرشاہ، وزیراعظم نا سلاہکار انجینئر امیر مقام، عباس آفریدی و مسلم لیگ (ن) نا ایلو راہشون آک ہم داوخت آ ساڑی ئسر وزیراعظم کوہاٹ نا دورہ ٹی کیہی یونین کونسل آتے گیس فراوانی ڈٹ انا بنداو ئِ تخا، یونین کونسل آتیٹی خوشحال گڑھ، چورلکی، اسرزئی، شاہ پور، علی زئی ، ڈھوڈا، نصرت خیل و شیر کوٹ اوارو۔ کوہاٹ نا دایونین کونسل آتیٹی گیس فراوانی ڈٹ آتیا مسہ ارب 81کروڑ روپئی نا خڑچ بریک، وزیراعظم ہندن کہ قلعہ گراﺅنڈ جلسہ گاہ آ سرمس ہموڑے مسلم لیگ (ن) نا راہشون و کارندہ غاک اودے جم و جوش اٹ بخیر کریر، داوخت آ مسلم لیگ (ن) نا کارندہ غاک مسلم لیگ (ن) و وزیراعظم نا حق اٹی نعرہ خلکر۔
