اسلام آباد۔ 27 اکتوبر (اے پی پی) صد ر مملکت ممنون حسین ئَ میاں اوستمانی برات آناں زور پر داتگ کہ آ مقبوضہ کشمیر ئَ بنی آدم آنی ھک آنی لگت مال کنگ ئِ ھلاپ ئَ نوٹس زورگ ئِ گوشتگ ئُُ کشمیری اُلس آناں وت واجئی ئِ ھاترا آواں گوں کتگیں زبان ئَ را پیلو بہ کن اَنت۔ آئی ئَ اے ھیالانی درشانی پنچ شمبے ئِ روچ ئَ مقبوضہ کشمیر ئَ بھارت ئِ ناھاری ئِ ھلاپ ئَ سیاھیں روچ ئِ درگت ئَ کلوہ ئِ تہ ئَ گوشت ۔ صدر ئِ مملکت ئَ گوشت کہ اقوام ئِ متحدہ ئِ سلامتی کونسل ئَ جموں کشمیر ئِ ھوالگ ئَ منوگری پہ جیڈھ ئِ گیواری ئَ ایمنیئَ جمہوری رنگ ئَ پیش کتگ بوتگ، ما ھمے رنگ ئَ بھارت ئَ را گوشاں کہ آ سرجمیں پڑ ئَ ایمنی ئُُ وشھالی ئُُ جیڈھ آنی گیواری ئِ ھاترا سلامتی کونسل ئِ سوج داتگیں منوگری آنی وڑ ئَ بہ کنت۔ آئی ئَ گوشت کہ مقبوضہ جموں کشمیر ئَ کانود ئَ چہ در یک ارب ئَ چہ نیم اُلس ئَ را ھپتاد سال آنی کساس ئَ وشھالی ئَ چہ گستا داشتگ۔ صدر ئِ مملکت ئَ گوشت کہ 27اکتوبر ئَ سرجمیں دُگنیا ئَ سیاھیں روچ برجم دارگ بیت۔ اے ھم اروچ اِنت کہ وھد ئِ 1947ئَ بھارتی اُرد ئَ کانود ئَ چہ در سرینگر ئَ پُترتگ اَنت ئُُ بنی آدم آنی راجدپتر ئِ تہ ئَ ٹوھیں اندوھی دپتر بندات بوت۔
