رحیم یارخان۔ 27اکتوبر (اے پی پی) ایپکا کوئٹہ ٹی دہشت گردی نا واقعہ نا ترندی اٹ مذمت ئِ کیک، شہیدآک کل قوم اکن باعث فخر ئُ، بے گناہ تا قربانیک رنگ اس اتیرہ، ننا سلہہ بند فوج ننا فخر ئِ۔ داخیال آتا درشانی ئِ آل پاکستان کلرک ایسوسی ایشن رحیم یارخان نا ضلعی صدر چوہدری محمدبوٹا عابد سانحہ کوئٹہ آ مذمتی دیوان اسے نا کماشی ئِ کرسا کرے۔ اوپارے کہ سلہہ بند فوج و کل قوم امن نا دشمن تیان تینا خون نا حساب ئِ ہلیرہ و آخریکو دہشت گرد انا چٹفنگ اسکان آرام اٹ تولپسہ۔ داوخت آ سانحہ کوئٹہ ٹی شہید مروک آتا درجہ غاتا بڑزی ، ٹھپی تا زوت جان جوڑی و ملک و قوم انا سلامتی کن دعا کننگا۔
