اسلام آباد۔ 27اکتوبر (اے پی پی) وزارت پٹرولیم و قدرتی وسیلہ تیل و گیس ودی کروک آ علاقہ غاتیٹی شونداری سرجزآتے کن راجی بھلائی نا حکمت عملی آ نظرثانی نا فیصلہ کرینے۔ وزارت نا ذرائع نار داٹ پوسکنا حکمت عملی نا رداٹ راجی بھلائی نا شونداری اسکیمک تیل و گیس ودی کروک تحصیل و ضلع غاتا گرج آتا بنداو آ تیار کننگک و اوفتا پیدواری تعلقدار ضلع غاتا پارلیمنٹ نا باسک، بلدیاتی نمائندہ و ہندی انتظامیہ نا صلابت آن کینہ۔ جان جوڑی ، تعلیم، فراوانی و نکاسی آب نا ڈٹ آتے اولیتی بنداو تیا پورو کننگک وخت اس کہ مریض آتے نقد عطیہ تننگ نا چرجوئی ئِ ہم بند کننگک تانکہ بد انتظامی و بے قاعدگی تا غاو تا ازالہ ئِ کننگ مرے۔ تیل و گیس پٹوک آ کمپنیک تعلقدار ضلع غاتا ڈی سی اوز تون اسیجائی بینک اکاﺅنٹ و پٹرولیم کنسیشن معاہدہ غا دستخط کیک و اسہ تو اسے نا تہٹی راجی بھلائی کن فنڈز اوفتے ٹی منتقل کیک اوکان گڈ ہرسال 31جولائی اسکان دافنڈز ئِ منتقل کننگک۔
