اسلام آباد۔ 26 اکتوبر (اے پی پی) بُنجاھی پٹ ئُُ پولی کارگس (ایف آئی اے) ئَ گوستگیں دو سال آنی ساھت ئَ بنی آدم آنی شپوک آنی ھلاپ ئَ ترندیں گامگیج چست کنان ئَ 89ڈُنگ ئَ ھوار 2000ئِ نزیک ئَ بنی آدم آنی شپکوی کنوک دزگیر کتگ اَنت۔ تہی کارانی وزارت ئِ کارندہ آنی رد ئَ ایف آئی اے ئَ 2014ئَ 27ڈُنگ ئَ ھوار 812بنی آدم آنی شپوکی کنوک دزگیر کتگ اَنت۔ وھدیکہ 2015ئِ سال ئَ 36ڈنگ ئَ ھوار 1131بنی آدم آنی شپوکی کنوک دزگیر کتگ اَنت۔ گوستگیں دو سال ئِ ساھت ئَ 12ھزار 2سد 35پاکستانی آناں دُزی ئِ کشک ئَ یورپی ملک آناں روان دیگ بوتگ۔ کارندہ آں گوشت کہ تہی کارانی وزارت ئِ رد ئَ بنی آدم آنی شپوکی کنوک آنی ھلاپ ئَ تُرندیں گامگیج ئِ ہدایت ئِ سر ئَ ایف بی آئی اے ئَ ھاسیں گامگیج بندات کتگ، ایشی ئِ سبب ئَ جوانیں برورد دیم ئَ پیداک اَنت۔ ایف بی آئی اے ئَ امیگریشن ونگ زِرّ، ڈگاری ئُُ بالی کشک آں چہ میاں اوستمانی مساپر آنی روگ ئُُ آیگ ئِ ریگولیٹ کنت۔ توامیں کشک آنی سر ئَ امیگریشن ونگ ئَ بنی آدم آنی شپوکی کنگ ئِ ھلاپ ئَ گامگیج زُرتگ۔
