اسلام آباد۔ 26اکتوبر (اے پی پی) مقبوضہ کشمیر اٹی بھارت نا کوزہ گر فوج انا پترینگ انگ نا وخت آ (اینو) 27اکتوبر آ یوم سیاہ اڈتننگک۔ پاکستان نا کنڈآن کشمیری تا جہد آجوئی نا سیاسی ، سفارتی و اخلاقی مخ تفی نا عزم انا اعادہ نا وڑاٹ دا یوم سیاہ نا وخت آ السی نمائندہ غاتا کنڈآن خصوصی کلہو آتے جاری کننگک۔ سول سوسائٹی نا کنڈآن ریلی کشنگک۔ تعلیمی ادارہ غاتیٹی تقریری مقابلہ’ ’ مباحثہ“ ڈرائنگ و کوئز مقابلہ مریک۔ الیکٹرانک میڈیا آ خصوصی پروگرام ”ٹاک شوز، ڈاکومینٹریز نشان تننگک ہراٹی یوم سیاہ نا اہمیت ئِ مون آ تخنگک۔ قومی اخبار آتیٹی خصوصی سپلیمنٹ و آرٹیکل شینک کننگک۔ اہم و پبلک ہند آتیا کشمیر کن خصوصی نعرہ غاتیا تالان پوسٹر و بینرز خلنگک۔
