اسلام آباد۔ 26اکتوبر (اے پی پی) بنجائی وزیر شون، ڈٹ بندی و اصلاحات احسن اقبال پارینے کہ پاکستان اٹی کینسر نا ودوک آ کچ گڑتی اسے، حکومت نا زمواری ئِ کہ او کینسر نا درمان نا ہڑزان آسراتی فروان کے۔ داہیت ئِ او پمزہسپتال اٹی بریسٹ کینسر سینٹر نا افتتاحی دود آن تران کرسا پارے۔ احسن اقبال پارے کہ پمز ہسپتال آنبار کشمیر، خیبرپختونخواو فاٹا ٹی ہم داڈول نا آسراتی فراوان کننگک۔ اوپارے کہ ایشیاءٹی پاکستان اٹی زالبول اٹی بریسٹ کینسر نا کچ غٹ آن زیات ئِ ہراکہ افسوزناک ئِ ۔ اواومیت ظاہر کرے کہ پمز ہسپتال اٹی اڈتروک آ سینٹر اٹی خلقت آتے درمان نا آسراتی مہیامریک۔ اوپارے کہ داڑے کاریم اٹ بروک آ مشینری تا شمار ہم گچین مشینری تیٹی مریک۔ اوپارے کہ ہندن کہ بجٹ تننگک ہندن کاریم مریک۔ اوپارے کہ نن نیوروسائنسز، ڈینٹل پروجیکٹ ، لیور ٹرانسپلاٹ نا آسراتی نا فراوانی ٹی کمکاری فراوان کرینن ۔ اوپارے کہ پمز ہسپتال اٹی اڈ تروک آ سینٹر پاکستان اٹی تینا وڑنا اولیکو سینٹر ئِ ہراڑے کینسر نا مریض آتا گچین درمان کننگک ، کینسر نا توننگ کن حکومت گام گیج چست کننگ ئِ۔
