پاکستان آن اِرالکھ 94ہزار رجسٹرڈ مہاجر اوغانستان آ پدی رسینگار

اسلام آباد۔ 26اکتوبر (اے پی پی) پاکستان آن اِرا لکھ 94ہزار رجسٹرڈ اوغان مہاجر اوغانستان آ پدی ہنار، پدی ہنوک آ اوغان مہاجر آتے 4سد ڈالر تننگ انگ ئِ۔ پناہ گزین آتیان بابت اقوام متحدہ نا ادارہ (یو این ایچ سی آر) نا نمائندہ اے پی پی ئِ پارے کہ مچ آ ملک آن اوغان مہاجر آتا پدی وطن آ ہِننگ نا چرجوئی برجائِ و تدوک آ دے پین ہفت ہزار پنچ سد پناہ گزین پدی اوغانستان آ ہنانو، دا مہاجر آتا پدی ہِننگ پشاور و کوئٹہ آن مسنے، پشاور آن پنچ ہزار دوسد وخت اس کہ کوئٹہ آن 2003مہاجر وطن آ پدی ہنانو۔ اوپارے کہ مچ آ ملک آن جمی وڑاٹ پدی ہنوک آ رجسٹرڈ مہاجر آتا کچ اِرالکھ 99ہزار بندغ اسکان سرمسنے، پدی ہنوک آ رجسٹرڈ اوغان مہاجر آتے چار سد ڈالر تننگ انگ ئِ۔ اوپارے کہ اینخو سال یو این ایچ سی آر رجسٹرڈ مہاجر آتا پدی ہِننگ نا ہدف چارلکھ مقرر کرینے و مہاجر آتا پدی ہِننگ نا ہدف آسانی اٹ دوئی کننگک ۔