مستونگ اٹی نادرست سلہہ بند بندغ آتا سم کاری آن 4بندغ تپاخت کریر

اسلام آباد۔ 26اکتوبر (اے پی پی) مستونگ اٹی بس اڈہ نا خڑک نادرست سلہہ بند بندغ آتا سم کاری آن 4بندغ تپاخت و اسٹ اس ٹھپی مس۔ نجی ٹی وی نا رداٹ بلوچستان نا علاقہ مستونگ اٹی بس اڈہ نا خڑک نادرست سلہہ بند بندغ آک اندھادھند سم کاری کرسا 4بندغ نا خون و اسٹ اسے ٹھپی کریر۔ سم کاری آن گڈ ریسکیو ٹیمک تپاخت کروک آ بندغ آتا لاش و ٹھپی بندغ آتے خڑک انا ہسپتال آ گدریفیر۔ پولیس ایب وکیب نا علاقہ غاتے گھیڑ اٹی ہلسا جاست وپاست نا بنائِ کرینو۔