اسلام آباد۔ 26اکتوبر (اے پی پی) پاکستان مسلم لیگ (ن) نا راہشون طلال چوہدری پارینے کہ احتساب ادارہ غاتا زمواری ئِ ، عمران خان سپریم کورٹ نا فیصلہ نا انتظار ئِ کے۔ اسہ نجی ٹی وی چینل اسے تون خصوصی ہیت وگپ کرسا اوپارے کہ عمران خان تینا تران اٹی سپریم کورٹ ئِ نشانہ جوڑ کرینے۔ اوپارے کہ الیکشن اٹی دھاندلی نا بابت فیصلہ ہم سپریم کورٹ کرینے ہرادے اوفک امنا کتوس۔ طلال چوہدری پارے کہ اگہ عمران خان ادارہ غاتیا باورکپک و اوفتا فیصلہ غاتے ہم امنا کپک تو ولدا دھرنہ و مار چ انا انت مطلب اسے، اوپارے کہ اصل اٹی اونا دھرنہ غاک ہی سپریم کورٹ و الیکشن کمیشن نا برخلاف ئُ۔ اوپارے کہ ہراتم انسان اسے تون ثبوت مف و او تینا کیس ئِ ثابت کننگ کپ تو داوڑنا گوازی گوازی کرسا کیک تانکہ سیاسی وڑاٹ فائدہ دوئی کننگ کے۔ اوپارے کہ 2018نا گچین کاری نا بابت زبان خلق پاہک کہ پاکستان مسلم لیگ (ن) ہی سرسہب مریک ہندا سوب عمران خان ئِ تینا مقبولیت تمسا نظر بننگ ئِ و ہنداسوب ئِ کہ الیکشن اٹی دھاندلی آنبار کرپشن نا ڈھونگ ئِ کننگ انگ ئِ۔ اوپارے کہ انصاف عدالت و ادارہ غاتیٹی ہِننگ آن ملک خان صاحب ئِ عدالت آتیا پت ارے تو فیصلہ نا انتظار ئِ کے۔
