پولیس ٹریننگ سینٹر آ دہشت گرد جلہو اٹی ٹھپی مروک آ کیڈٹس آتا جان جوڑی نا بارواٹی ہرفیر
کوئٹہ۔ 25اکتوبر (اے پی پی) وزیراعظم محمد نواز شریف چیف آف آرمی اسٹاف جنرل راحیل شریف و وزیر داخلہ چوہدری نثارعلی خان تون اوار سے شنبے آ سنڈیمن سول ہسپتال کوئٹہ نا دورہ ئِ کرے و ہموڑے پولیس ٹریننگ سینٹر آ دہشت گرد جلہو اٹی ٹھپی مروک آ کیڈٹس آتا جان جوڑی نا بارواٹی ہریفے۔ وزیراعظم نواز شریف داوخت آ تعلقدار کمامدار آتے ٹھپی مروک آتے غٹ دوئی طبی درمان و آسراتی فراوان کننگ نا پارت کرے و پارے کہ ٹھپی مروک آتا درمان آ بروک آ غٹ خڑچ آتے حکومت برداشت کیک۔ سرجیکل و آرتھو پیڈک وارڈز انا دورہ نا وخت آ وزیراعظم غٹ پولیس کیڈٹس آتا طبیعت نا بارواٹی ہریفے ہرا دوشنبے نا نن ٹریننگ سینٹر آ خودکش جلہو آتیٹی ٹھپی مسوسر۔ وزیراعظم تون اوار چیف آف آرمی اسٹاف جنرل راحیل شریف ، بنجائی وزیر داخلہ چوہدری نثارعلی خان ، گورنر بلوچستان محمد خان اچکزئی ، وزیراعلیٰ بلوچستان ثناءاللہ زہری ، قومی سلامتی آن بابت وزیراعظم نا سلاہکار لیفٹیننٹ جنرل (ر) ناصر خان جنجوعہ ، کامنڈر ساوتھرن کمانڈ لیفٹیننٹ جنرل عامر ریاض ، صوبائی وزیر داخلہ میر سرفراز بگٹی ، چیف سیکرٹری بلوچستان سیف اللہ چٹھہ ، آئی جی ایف سی بلوچستان میجر جنرل شیرافگن آئی جی پی بلوچستان احسن محبوب ہم ئس۔ وزیراعظم و چیف آف آرمی اسٹاف جلہو اٹی ٹھپی مروک آ اسہ اسہ کیڈٹ نا طبیعت نا بارواٹی ہرفیر۔ کیڈٹ نا خیریت نا بارواٹی ہرفیر۔ پروفیسر ڈاکٹر مسعود قاضی و پروفیسر ڈاکٹر حمیداللہ خان پانیزئی کاکڑ وزیراعظم و آرمی چیف ئِ ٹھپی مروک آتا جان جوڑی نا بارواٹی بریف کرے۔
