چمن۔ 25اکتوبر (اے پی پی) تدوک آ نن کوئٹہ ٹی شہید مروک آ پولیس کارندہ غاتیٹی 8 انا تعلق ضلع قلعہ عبداللہ و چمن آن ئِ، ڈی پی او چمن ساجد خان مہمند نا رداٹ تدوک آ نن کوئٹہ ٹی پولیس ٹریننگ سینٹر آ دہشت گرد آتا جلہو آتیٹی شہید مروک آ پولیس کارندہ غاتیٹی 8پولیس کارندہ غاتا تعلق قلعہ عبداللہ و چمن آن ئِ ، ڈی پی او قلعہ عبداللہ چمن ساجد خان مہمند مستی پارے کہ کوئٹہ پولیس ٹریننگ سینٹر اٹی قلعہ عبداللہ نا 25پولیس کیڈٹس زیر تریت ئُ و دہشت گردی نا جلہو اٹی ہشت پولیس کارندہ شہید مسنو، شہید مروک آ پولیس کارندہ غاتیٹی آمیر محمد، نقیب اللہ ، محمد نسیم، محمد طیب ، نجیب اللہ، شراف الدین ، امداد اللہ و محمد عباس اوارو وخت اس کہ واقعہ ٹی چندی کارندہ غاک ٹھپی ہم مسنو۔ کوئٹہ ٹی دہشت گردی نا واقعہ آن گڈ پاک اوغان سیم آ سیکورٹی نا بست و بند ئِ پین سخت کننگانے وخت اس کہ غٹ بندغ آتا سفری دستاویز آتے چیک کننگ آن گڈ سیم ئِ پار کننگ نا موکل تننگ انگ ئِ۔
