اسلام آباد۔ 25اکتوبر (اے پی پی) پاکستان پیپلز پارٹی نا شریک چیئرمین آصف علی زرداری اہم معاملہ غا تیا درشان خیال کن پاکستان پیپلز پارٹی نا سینئر راہشون سینیٹر رحمان ملک ئِ دبئی آ بٹنگا۔ سینیٹر رحمان ملک تدوک آ نن اسلام آباد آن رادہ مس۔ روانہ مننگ آن مست تینا اسہ بیان اسے ٹی سینیٹر رحمان ملک سانحہ کوئٹہ نا مذمت ئِ کرے و پارے کہ دا سانحہ ٹی قیمتی جانی نسخان مسنے۔ اوپارے کہ دہشت گرد آک پاکستان نا دشمنک ئُ ہرا پاکستان ئِ تہاری و تاریکی ٹی بٹنگ خوارہ ۔ اوشہید آتا خاہوت آتون ہڑزخواہی نا درشان کرے و ٹھپی تا زوت جان جوڑی کن دعا کرے ۔
