اسلام آباد۔ 25 اکتوبر (اے پی پی) بُنجاھی تہی کارانی وزیر چوہدری نثار علی خان ئَ گوشت کہ پیسر ئَ ناشرکار توک ئَ چہ اُرش کنان بوتگ اَنت۔ نوں سیم سر ئَ چہ اُرش کنگ ئَ اَنت۔ مارا نوں ساھت ئُُ کترہ الرٹ بوھگی اِنت، ناشرکار آنی سیادی گوں سیم سر ئَ آدیم دار اَنت، بلے اے گپ سیکورٹی ادارگ آناں پکو کنگی اِنت۔ اگاں سیکورٹی ئِ تہ ئَ کوتاھی بوت گڈا زمہ وار آنی ھلاپ ئَ تُرندی ئَ کاروائی کنگ بیت۔ شئے شمبے ئَ اِدا نیشنل پولیس اکیڈمی ئَ اے ایس پیز ئِ پاسنگ آﺅٹ ئِ مراگش ئَ تران کنان ئَ ایشی ئَ چہ پد اھوالکاراں گوں تران کنان ئَ آئی ئَ گوشت کہ پاس آﺅٹ بوتگیں ایس پیز آناں مبارکی دیان ئَ آئی ئَ گوشت کہ من سک باز وش آں کہ پاس آﺅٹ بوتگیں پولیس اپسرگ آنی زندمان ئِ اے وشیں موہ اِ ت کہ من ھوار آں بلے دومی نیمگ ئَ سرجمیں پاکستان ئِ اُلس اے وھد ئَ اپسوزی اَنت چیا کہ کوئٹہ ئَ یک ٹوھیں وئیل ئِ بوتگ، ایشی ئِ تہ ئَ بازیں کساس ئَ مردم بیران ئُُ ٹپیگ بوتگ اَنت۔ کوئٹہ ئِ مردم یک نیمگ ئِ جون آں چست کنگ ئَ اَنت ئُُ دومی نیمگ ئَ ٹپیگ آناں چار ئُُ گزار کنگ ئَ اَنت۔ ناشرکارآنی مول ئُُ مراد ھمروچگیں دزگٹی آنی تہ ئَ اوشت مان کنگ اِنت، اے گم ئُُ ڈُکھ یک نیمگ اِت، آئی ئَ اے مراگش ئَ بھر زوری یے پیسلہ کُتگ ئُُ اے مراگش ئَ پد آرا کوئٹہ ئَ رھادگ بوھگی اِنت۔ آئی ئَ پاس آﺅٹ بوتگیں اپسرگ آناں دلگوش کنان ئَ گوشت کہ آ نوں کردی زندمان ئَ اتکگ اَنت۔
