اسلام آباد۔ 25اکتوبر (اے پی پی) قطبی وزیرستان نا بے اُرا بندغ آتا پدی ہِننگ نا مسٹ میکو مرحلہ سے شنبے آ شروع مس۔ فاٹا سیکرٹریٹ نا کمامدارآتارداٹ بے اُرا بندغ آتا پدی ہِننگ ئِ چار بشخ آتیٹی بشخ وپانٹ کننگاسس۔ داکان مست اولیکو اِرا مرحلہ پورو کننگانو ہرافتے ٹی 51ہزار خاہوت پدی تینا علاقہ غاتیا ہنانو وخت اس کہ مسٹ میکو مرحلہ نا بناءمس ہراٹی تقریباََ 20ہزار خاہوت آتا پدی ہِننگ نا اومیت ارے۔ اوپارے کہ قطبی وزیرستان نا 82ہزار خاہوت آپریشن ضرب عضب نا وخت زہمی مسوسر ہرا فاٹا ڈیزاسٹر مینجمنٹ اتھارٹی تون رجسٹرڈ ئُ ۔ اوپارے کہ بے اُرا بندغ آتے پدی ہِننگ نا وخت آ 25ہزار روپئی کیش گرانٹ وخت اس کہ دہ ہزار روپئی کرایہ نامد اٹی بذریعہ زونگ موبائل سم تننگک۔ اوپارے کہ قطبی وزیرستان نا بے اُرا بندغ آتا پدی ہِننگ نا چارمیکو و آخریکو مرحلہ دسمبر نااولیکو ہفتہ ٹی بناءکیک ہرا 31دسمبر اسکان اختتام پذیر مریک۔
