اسلام آباد۔ 25اکتوبر (اے پی پی) مسلم لیگ (ن) نا باسک قومی اسمبلی میاں عبدالمنان پارینے کہ اسلام آباد ئِ بند کننگ ریاست نا برخلاف صفا ئُ جنگ اسے ، پاکستان نا 20کروڑ الس و ادارہ غاک دا غیر کانودی گام انا مخالفت ئِ کیرہ۔ دوشنبے آ پارلیمنٹ ہاﺅس اٹی ”اے پی پی“ تون خصوصی ہیت وگپ کرسا اوپارے کہ مسکوہی ٹی پیپلزپارٹی و جماعت اسلامی تون اوار ایلو جماعت آک ہم برانز کرسا کرینو ، جلوس ، ریلی و جلسہ مرسا مسنے۔ پاکستان نا دارالحکومت اسلام آباد ئِ بند کننگ ریاست نا برخلاف صفائُ جنگ اسے۔ ملک انا برخلاف اسہ ہم غیر کانودی گام ئِ سگنگ پننگک۔ نہ صرف پاکستان نا ادارہ غاک بلکن ملک انا 20 کروڑ الس اونا دا غیر کانودی گام ئِ توریرہ۔
