وزیر دفاعی پیداوار رانا تنویر حسین نا پولیس ٹریننگ سینٹر کوئٹہ ٹی دہشت گرد آتا جلہو نا مذمت

اسلام آباد۔ 25اکتوبر (اے پی پی) بنجائی وزیر دفاعی پیداوار رانا تنویر حسین پولیس ٹریننگ سینٹر کوئٹہ ٹی دہشت گرد آتا جلہو نا مذمت ئِ کرینے۔ سے شنبے آ جاری تینا ہڑزخواہی بیان اٹی بنجائی وزیر دفاعی پیداوار سانحہ کوئٹہ نا مذمت ئِ کرے و دہشت گردی نا واقعہ ٹی شہید مروک آ ورناتا خاہوت آتون ڈکھ و غم و دلی ہمدردی نا درشانی ئِ کرے۔ اوٹھپی مروک آ ورناتا زوت جان جوڑی کن دعاہم کرے۔