اسلام آباد۔ 25اکتوبر (اے پی پی) جہانی مالیاتی فنڈ (آئی ایم ایف) نا منیجنگ ڈائریکٹر کرسٹین لاگارڈ پاکستان ئِ معاشی اصلاحات پروگرام نا سرسہب پوروی آمبارکبادی ترسا پارے کہ گچین معاشی سوگوی و سوگو سرکاری مالیات آن معیشت ئِ ٹھوس بنداو فراوان مسنے۔ آئی ایم ایف پاکستان نا معاشی چیلنج آتون مون تننگ و تینا وسیع معاشی گمان آتے کاریم اٹ اتنگ نا کوشست آتا پبی مخ تفی ئِ کیک۔ …
منیجنگ ڈائریکٹر آئی ایم ایف کرسٹین لاگارڈ نا بنجائی وزیر خزانہ سینیٹر اسحاق ڈار تون اوار پریس کانفرنس آن تران
گیشتریں ھال
اسلام آباد۔ 25اکتوبر (اے پی پی) جہانی مالیاتی فنڈ (آئی ایم ایف) نا منیجنگ ڈائریکٹر کرسٹین لاگارڈ پاکستان ئِ معاشی اصلاحات پروگرام نا سرسہب پوروی آمبارکبادی ترسا پارے کہ گچین معاشی سوگوی و سوگو سرکاری مالیات آن معیشت ئِ ٹھوس بنداو فراوان مسنے۔ آئی ایم ایف پاکستان نا معاشی چیلنج آتون مون تننگ و تینا وسیع معاشی گمان آتے کاریم اٹ اتنگ نا کوشست آتا پبی مخ تفی ئِ کیک۔ پالیسی مکالمہ و استعداد کاری آن بابت ننا رفاقت برجاءسلک ۔ او سے شنبے آ تینا دورہ پاکستان نا پوروی آ بنجائی وزیر خزانہ سینیٹر اسحق ڈار تون اوار پریس کانفرنس آن تران کریکہ۔ اووزیراعظم محمد نواز شریف ، وزیر خزانہ اسحاق ڈار، بنجائی بینک نا گورنر اشرت وتھرا و ایلو سینئر سرکاری کمامدار آتون درشان خیال ئِ مفید گوندا و پرتپاک میزبانی آ منت واری ئِ ادا کرے۔ اوپارے کہ آئی ایم ایف نا کمکاری آن چلیفنگوک آ معاشی اصلاحاتی پروگرام نا سرسہب پوروی آ ای پاکستان ئِ مبارکباد پیش کیوہ۔ گچین معاشی سوگوی و اوڑتون اوار ہی طاقت وار بیرونی بفرز و سوگو سرکاری مالیات آن معیشت ئِ اسہ ٹھوس بنداو اس فراوان مریک۔ بھاز انگا خراج مستثنیات و رعایت آتے چٹفنگانے و بڑزخراج محاصل آن سرکاری زرکاری و راجی خڑچ آتیٹی ودکی ممکن مسنے۔
