اسلام آباد۔ 25اکتوبر (اے پی پی) کوئٹہ ٹی دہشت گردی آن گڈ اسلام آباد وراولپنڈی ، لاہور، کراچی و ایلو شارتیٹی سیکورٹی ئِ ہائی الرٹ کننگانے۔ نجی ٹی وی چینل نا رداٹ اسلام آباد و راولپنڈی تون اوار ملک انا غٹ شارتیٹی کوئٹہ ٹی دہشت گردی آن گڈ سیکورٹی ہائی الرٹ کننگانے۔ جاڑانگا شارتیٹی سرکاری و غیر سرکاری ادارہ، ریلوے اسٹیشن و ایئر پورٹس آ سیکورٹی ئِ ہائی الرٹ کننگانے۔ شارتا پترینگوک آ پیش تموک کسر تیا ودکی سیکورٹی تعینات کننگانے، شارتا بروک و ہنوک آ گاڈی و شکبر بندغ آتا تلاشی ئِ ہلنگ انگ ئِ۔ آئی جی سندھ اے ڈی خواجہ مچ آ صوبہ نا حساس و سرکاری ہند آتا سیکورٹی سخت کننگ نا پارت کرے۔ اوپارے کہ سیکورٹی ہائی الرٹ نا سوب غٹ ایس ایچ اوز و تھانہ غاتیٹی ساڑی مریر۔ اوکراچی نا پترینگوک آ کسر و ناکہ غاتون اوار مچ آ سندھ اٹی ساڑی پولیس ٹریننگ کالجز و پولیس اسکول آتا سیکورٹی ئِ ہم سخت کننگ نا پارت جاری کرینے۔ ڈی آئی جی لاہور حیدر اشرف شار انا سیکورٹی نا خصوصی پارت کرسا پولیس لین، قربان پولیس لین، ریلوے اسٹیشن ، شار انا پترینگوک و پیش تموک کسر تیا ودکی پولیس تعینات کننگ نا حکم تسنے۔
