اسلام آباد۔ 25اکتوبر (اے پی پی) وزیراعلیٰ سندھ مراد علی شاہ وزیراعلیٰ بلوچستان نواب ثناءاللہ خان زہری ئِ ٹیلی فون کرسا پولیس ٹریننگ سینٹر جلہو نا ترند ی اٹ مذمت ئِ کرسا ہر وڑنا کمکاری نا یخین دہانی کرفینے۔ نجی ٹی وی چینل نا رداٹ وزیراعلیٰ سندھ وزیراعلیٰ بلوچستان ئِ ٹیلی فون کرسا کوئٹہ ٹی سریاب روڈ آ واقع پولیس سینٹر آ جلہو نا مذمت ئِ کرسا پارے کہ دا مشکل ساہت اٹی نن نے تون اوار و ہروڑنا کمک کن تیار اُن۔ اوپارے کہ دہشت گرد آک لغوری کارروائی تیان قوم انا حوصلہ ئِ پست کننگ کپسہ، ننے دہشت گرد آتا برخلاف اواری اٹ کارروائی کروئی مریک۔
