اسلام آباد۔ 21اکتوبر (اے پی پی) وزارت ڈٹ بندی و شونتری اینخو مالی سال 2016-17ءنا سرکاری بشخ انا شونداری پروگرام ٹی داخلہ ڈویژن نا شونداری ڈٹ آتے کن جمی وڑاٹ 2ارب 46کروڑ روپئی آن زیات نا فنڈز جاری کرینے۔ حکومت اینخو مالی سال اٹی داخلہ ڈویژن نا شونداری ڈٹ آتے کن 11ارب 56کروڑ 81لکھ روپئی آن زیات نا فنڈز جتا کرینے ۔ پلاننگ کمیشن نا کنڈآن جاری کروک حساب وکتاب نا رداٹ حکومت H-16ٹی ماڈل جیل انا جوڑ جاڑ کن 4کروڑ، اسلام آباد پولیس نا انفراسٹرکچر کن 26لکھ، پنجاب اٹی اسپیشل سیکورٹی ونگز کن 14کروڑلکھ، ملتان اٹی رینجر کن 7کروڑ 36لکھ، خیبر پختونخواٹی سوات و مالاکنڈ اٹی سیکورٹی انفراسٹرکچر کن 13کروڑ، مشین ریڈ ایبل پاسپورٹ کن 42کروڑ و بلوچستان اٹی سوئی رائفلز آتے کن 6کروڑ 54لکھ تون اوار کیہی شونداری ڈٹ آتے کن فنڈز جاری کرینے۔
