اسلام آباد۔ 21اکتوبر (اے پی پی) آپریشن ”ضرب عضب“ آن زہمی مروک آ قطبی و سویلی وزیرستان نا بے اُرا بندغ آتے ہند آتا دُوارہ جوڑ جاڑ کن اسہ ارب 95کروڑ42لکھ روپئی معاوضہ ادا کننگانے، فاٹا آر آر یو کے پروگرام منیجر حماد علی ”اے پی پی“ ئِ پارے کہ آپریشن ”ضرب عضب“ آن زہمی مروک آ قطبی و سویلی وزیرستان نا بے اُرا بندغ آتا ہند آتا سروے جاری ئِ ، داوخت اسکان سویلی وزیرستان اٹی 4ہزار 222ہند آک پورو ی اٹ بھس مسنو وخت اس کہ 1154اُراتے جزوی وڑاٹ نسخان رسینگانے وخت اس کہ قطبی وزیرستان نا 72ہند آک بھس مسنو وخت اس کہ 325ہند آتے جزوی وڑاٹ نسخان رسینگانے۔ اوپارے کہ 4ہزار 294اُرا پوروی اٹ بھس وخت اس کہ اسہ ہزار 479ہند آتے جزوی وڑاٹ نسخان رسینگانے۔ اُراتا خواجہ غاتے اسہ ارب 95کروڑ 42لکھ روپئی معاوضہ تننگانے۔ اوپارے کہ آپریشن ”ضرب عضب“ آن زہمی مروک آ کیہی علاقہ غاتیٹی اُراتا سروے جاری ئِ۔ سروے پورو مننگ آن گڈ لسٹ ئِ گڈیکو دروشم تننگ آن پد زہمی مروک آ بے اُرا بندغ آتے معاوضہ تننگک۔
