اسلام آباد ۔ 19اکتوبر (اے پی پی) وزیراعظم محمد نواز شریف پارینے کہ ساڑی آ حکومت نا دانشمندانہ و ٹھوس اقتصادی پالیسی تا بدولت پاکستان معاشی سوگوی دوئی کرینے، سرسہب اقتصادی اصلاحات و سلامتی نا گچین حالیت آتا بناءآ پنی جہانی ادارہ غاک پاکستان نا درجہ بندی ٹی ودکی کرینو، علم آ مبنی معیشت ئِ ودیکی تننگ و ملک انا طول و عرض اٹی راجی و اقتصادی نمونا مون آ دننگ کن براڈ بینڈ نا پرخ ئِ مر کننگ آ خصوصی تجوہ تخسا ”ترند تر ڈیجیٹلائزیشن ایکوسسٹم “ ننا وژن ئِ۔ اوداہیت ئِ طلال ابوغزالے آرگنائزیشن نا چیئرمین ڈاکٹر طلال ابوغزالے تون چارشنبے آ داڑے وزیراعظم ہاﺅس اٹی ہیت وگپ کرسا پارے۔ وزیراعظم ڈاکٹر طلال نا دورہ پاکستان نا ستائِ کرسا پائیدار شون نا دوئی کن انفارمیشن کمیونیکیشن ٹیکنالوجیز (آئی سی ٹیز) نا مون آ دننگ اٹی چیئرمین نا خذمت و سرسہبی و اونا کسبی ادارہ نا کڑد انا ستائِ کرے۔ وزیراعظم پارے کہ ساڑی آ حکومت نا دانشمندانہ و ٹھوس اقتصادی پالیسی تا کمک اٹ پاکستانئِ میکرو اکنامک سوگوی دوئی مسنے۔ داوخت اٹی جی ڈی پی نا کچ اوسطاََ 4درسد سالانہ آن زیات سلیس و مسکوہی سال 4.71آ سرمس ہرا مسکوہی 8سال آتیٹی بڑزانگا کچ ئِ، درملکی زرمبادلہ نا کوڑی 24ارب ڈالر آن تجاوز کرینے۔ وزیراعظم پارے کہ سرسہب اقتصادی اصلاحات و سلامتی نا گچین حالیت آتا بناءآ غٹ پنی ریٹنگ ایجنسیک پاکستان نا زرکاری کچ انا بابت آں اونا درجہ ئِ ودفینو ہرا است جم ئُ ہیت اسے۔ اوپارے کہ پاکستان نا حکومت آئی سی ٹیز ئِ پائیدار شونداری ہدف آتا رداٹ مقصد آتا دوئی کن الس ئِ بااختیار جوڑ کننگ کن پیداوار اٹی ودکی، شفافیت و گچین اسلوب حکمرانی نا بابت بھاز اہم تکک۔ وزیراعظم پارے کہ علم آ مبنی معیشت ئِ ودیکی تننگ و ملک انا طول و عرض اٹی راجی و اقتصادی نمونا مون آ دننگ کن براڈ بینڈ انا پرخ ئِ مر کننگ آ خصوصی توجوہ تخسا ”ترند تر ڈیجیٹلائزیشن ایکو سسٹم “ ننا وژن ئِ۔ وزیراعظم پارے کہ پاکستان 31ملین آن زیات صارف آتیا تالان براڈ بینڈ انٹرنیٹ کمیونٹی ئِ مون آ دننگ ئِ و براڈ بینڈ صارف آتا شرح نمو ڈیہہ ناکیہی ملک آتیان تجاوز کرینے۔ تھری جی و فورجی سپیکٹرم نا شفاف نیلامی آن براڈ بینڈ نا نمو ٹی ودکی مسنے ہرا 2014ءٹی 3درسد آن ودسا 25درسد آن زیات مسنے۔ وزیراعظم ٹیکنالوجی، براڈ بینڈ ٹیلی کام نا ارزان دستیابی ٹی کمکاری و جدت نا حامل خذمت آتا فراوانی تون اوار اوار جہانی درجہ نا آئی سی ٹی انفراسٹرکچر نا فراوانی نا کمک اٹ حکومت نا ای گورنمنٹ و ڈیجیٹل سروسز، مالیاتی شمولیت، زالبول ئِ بااختیار جوڑ کننگ نا بشخ آتیٹی بھلا بھلا گام گیج آتیٹی مربوط و پائیدار پالیسی تے تالان کرے۔ ڈاکٹر طلال ابوغزا لے ٹیکنالوجی نا شون اکن حکومت نا راجی و اقتصادی گام گیج و کوشست آتا ستائِ کرے۔ وزیراعظم ہنر مند پاکستانی آئی ٹی انسانی وسیلہ غاتا مون آ دننگ کن چیئرمین نا عزم انا خیرمقدم ئِ کرے۔ وزیراعظم پائیدار بنائزیشن و سمارٹ سٹیز ڈویلپمنٹ نا بارواٹی تنظیم نا گام گیج آتا ستائِ کرے ہرا بعد از 2015ءایس ڈی جیز نا دوئی ٹی اہم کڑد ادا کیک ۔ اوپارے کہ پاکستان نا غٹ تپہ غاتا مفاد و ایس ڈی جی ہدف آتا دوئی کن حکومت مشترکہ ڈٹ و پاکستانی مارکیٹ آتیٹی ڈیجیٹل خذمت آتا شون و مون آ دننگ کن حکمت عملی ٹی پبی کمکاری و آسودہی فراوان کیک۔
