ک چین اقتصادی راہداری ئَ چہ ملک ئُُ سرجمیں پڑ ئَ وشھالی ئُُ دیمروئی کئیت، پاکستان ئَ زرکاری ئِ ھمک سالی زرامبار گیش بوھان اَنت
پاکستان ئِ مالیاتی شوبگ میاں اوستمانی سرمایہ کار آنی ھاترا بازیں موہ پیش کنت، تیان گولی
اسلام آباد ۔ 19 اکتوبر (اے پی پی) مزن وزیر محمد نواز شریف ئَ گوشت کہ پاک چین اقتصادی راہداری ئَ چہ ملک ئُُ سرجمیں پڑ ئَ وشھالی ئُُ دیمروئی کئیت۔ آئی ئَ اے گپ بینک آف چائنا ئِ بورڈ آف ڈائریکٹرز ئِ چیئرمین تیان گولی ئَ گوں چار شمبے ئِ سُھب ئَ ایوان ئِ مزن وزیر ئَ گپ ئُُ تران ئِ ساھت ئَ گوشت اَنت۔ مزن وزیر ئَ گوشت کہ پاک چین ئِ جوانیں سیادی تچکیں رھبند آنی سر ئَ اِنت ایش بازیں شوبگ آنی تہ ئَ کمکی بُن ھشت اَنت۔ سیکورٹی، تجارت ئُُ بنیاتی دیمروئی ئَ پاکستان ئِ ھاترا چین ئِ بازیں کمک آناں سُہرا کنان ئَ مزن وزیر ئَ گوشت کہ پاکستان ئُُ چین یکجائی دیمروئی ئِ منﺅک اَنت۔ پاک چین اقتصادی راہداریکجام یک ڈنی ملکے ئِ گوما دُرستاں چہ مستریں منصوبگ اِنت۔ آئی ئَ گوشت کہ پاکستان ئَ یک جوانیں بینکنگ ئِ نظام ئِ گندگ بیت ایشی ئِ نپ ئُُ سیت روچ پہ روچ بُرز تر روان اَنت۔ بینکنگ ئِ شوبگ گوستگیں پنچ سال آنی ھساب ئَ بوگ بوگ ئَ دیمروئی کنان اِنت۔ مزن وزیر ئَ گوشت کہ مھکمیں سرمایہ کاری، متا ئُُ نپ گیشاں چہ گیش میاں اوستمانی پد ئُُ رندی ئَ پاکستان ئَ بینکنگ ئِ شوبگ ئَ سرمایہ کار آناں اے پڑ ئَ یک رنگیں بستار داتگ۔ ایشی ئَ چہ ابید تچک ئَ در ملکی سرمایہ کار آنی ھُب ئُُ واھگ ئُُ بینکاری ئِ شوبگ ئَ سرمایہ کاری ودگ ئَ اِنت، ایشی ئِ تجربت یو بی ایل، کے بی ایل ئُُ ایچ بی ایل ئِ انوگیں سوت آنی تہ ئَ سُہرا بنت۔ مزن ویز ئَ گوشت کہ پاکستان ئَ بینکاری شوبگ ئَ در ملکی دراجیں ملکیت ستا کرزیں رنگ ئَ گیش بوتگ اَنت۔ پاکستان ئِ حکومت ئَ زوتاں چائنہ ڈویلپمنٹ بینک ئِ گوما 700ملین ڈالر فنانسنگ منوگری کتگ ایش چینی بینکاری صنعت ئِ گوما اے رنگیں اولی رابطہ اِنت۔ تیان گولی ئَ ملک ئَ دیمروئی ئِ راھ ئَ رھادگ بوھگ ئُُ معشیت ئِ برجائی ئِ سر ئَ مزن وزیر ئِ ویژن ئِ توسیپ کُت۔ آئی ئَ پاکستان ئَ جوانیں بینکاری شوبگ ئِ توسیپ کنان ئَ گوشت کہ پاکستان ئِ مالیاتی شوبگ میاں اوستمانی سرمایہ کار آنی ھاترا سک باز موہ پیش کنت۔ آئی ئَ گوشت کہ سی پیک پاکستان ئُُ اے پڑ ے مردماں گژمبیں اقتصادی نپ دنت۔
